Школышто - районысо марий йылмым, литратурым туныктышо-влакын семинарышт.

     2019 ий 20 мартыште Алексеевский кыдалаш школыш уна-влак тольыч. Нуным Людмила Валерияновна, Валентина Степановна да тунемше-влак вашлийыч,  туныктышо-влаклан сай урокым да "Тек эре лиеш ава" пайремым ончыктышт. Кече пеш веселан да пайдалын эртыш. Чылалан "таум" каласаш кулеш.

"Марий йылмым эн сай туныктышыжо" конкурс 

    2019 ий  март тылзе. Советский районышто конкурс. "Марий йылмым эн сай туныктышо" танасымаште кум туныктышо лийын. Урок, метод семинар, мастер -класс  Ронго селасе кыдалаш школышто эртыш. Туныктышо-влак шке мастарлыкыштым кугу кукшытышто ончыктышт. Чылалан Чап кагазым да полекым кучыктышт. Мыйын шонымаште,  туныктышо - влак  тыгай конкурсышто танасен ончышаш улыт.

Район кукшытышто эртарыме    "Рожкин лудмаш" конкурс.

   Советский районысо Кодам кундемысе калык Василий Рожкиным - поэт-фронтовикым - шарна  да пагала , сандене пайремым эртара. Марий йылмым, литературым  да ИКН-ым туныктышо Зоя Александровна Беляева кеч-кунамат ончыл радамыште. Кадам тун школын пашаенже-влак район кукшытеш почеламутым сылнын лудмаш да сочинений конкурсым пеш  чот чолган эртарышт. Шуко школ гыч тунемше ден туныктышо-влак толыныт. Мемнан Алексеевский кыдалаш школын тунемшыже-влак сай верым налыныт: Кузнецова Виктория(6 кл. сочинений) -1 вер, Глушкова Юлия (9кл.), Борисова Наталья (10 кл.) - почеламут лудмаш) - 3 вер. Вес ганат ме тиде танасымаште чулым лияш шонена.