Марий тиште кече

9 декабрь. Алексеевский кыдалаш школышто марий йылме да ИКН дене туныктышо - влак погыненыт. Людмила Валерияновна 5 классыште тунемше - влак дене "Юзо теле" тема дене урокым эртарыш. Семинарым умбакше школын завучшо, Степанова Л.А., сетевой проект дене пашам ыштыме радамым почын пуыш. Умбакше чыланат актовый залыш Марий тиште кечылан полеклалтше классный часышке кайышт. Тыште марий йылмын виян толмыж нерген йоча - влак каласкалышт.

  "Тамга", "тиште" гыч туналын, кызытсе илыш марте  марий йылмын кушкын, виян толмыжым тиде мероприятийыште чыланат ужыч.  5-8 класс тунемше - влак дене пырля  районысо марий йылмым да ИКН - ым туныктышо - влак пеш туткын колыштын, ончен шинчышт. Марий тиштын виян толмыжым видеофрагмент, слайд-шоу, С.Чавайн лумеш библиоткыш миен толмо да видеоматериалым ыштыме кином ончыктышт. Мероприятий пеш онайын эртыш, шуко жаплан ушеш кодеш.

 5 -ше классыште "Юзо теле" открытый урок эртыш. Йоча-влак    пеш сайын пашам ыштышт. Урокышто шуко онай технологий кучылталте.
   Урок чылаланат пайдале ыле. Мучашыште Беляева Зоя Алксандровна - таум каласыш да у сенымашым тыланыш.